Йошкар-Олаште Белгород область гыч самырык ийше- влакын тунемме да тренироватлалтме сборышт эрта

             Йошкар-Олаште Белгород область гыч самырык ийше- влакын тунемме да тренироватлалтме сборышт эрта. Марий Элыште нуно 28-ше май марте лийыт. Тренировко деч посна нуным кумда тӱвыра программе вуча. Каныш кечылаште нунылан рӱдӧ олана мучко экскурсийым эртарыме, олан историйже да сылне верже- влак дене палдареныт. Тыгак нунылан «Чудо-кони» спорт да турист клубым ончыктеныт. Нунылан имне да урлыкышт нерген оҥай факт- влакым каласкаленыт. Ик эн оҥай татшылан конкур дене «Сеҥымаш кубкын йыжыҥже- 2024» республике кӱкшытан танасымашын финалжым ончымаш лийын. Таҥасымаш Совет Ушемын Геройжо Михаил Зарецкихым шарнымылан пӧлеклалтын, - увертарен спорт-туризм министерстве.
            Фото: Спорт-туризм министерстве.